Në botën e sportit, debatet rreth popullaritetit të sportistëve qarkullojnë vazhdimisht mes fansave. Shpesh lindin pyetje se kush është sportisti më i njohur dhe një përgjigje tashmë ka ardhur. Rezultatet tregojnë se titulli i sportistit më të kërkuar në botë nuk i shkon askujt tjetër përveç Cristiano Ronaldos.
Portugezi ka tejkaluar rivalin e tij më të madh, Lionel Messin dhe madje edhe legjendën e NBA-së, LeBron James, duke forcuar kështu vendin e tij në krye të listës.
Viti 2023 ka qenë veçanërisht i mbushur me ngjarje për Ronaldon. Pas largimit të tij nga Manchester United, ai bëri një lëvizje “shokuese” për tifozët e futbollit për t’u bashkuar me klubin arab Al Nassr.
Kjo lëvizje ndezi një trend, me disa yje evropianë që e ndoqën shembullin e pesë herë fituesit të Topit të Artë dhe morën rrugë për në Arabinë Saudite.
Mediumi francez Le Parisien së fundmi zbuloi rezultatet e hetimit të tyre për atletin më të kërkuar. Cristiano Ronaldo doli si fituesi me 199.4 milionë kërkime të emrit të tij gjatë një viti.
Kjo arritje mbresëlënëse i tejkalon kërkimet për Lionel Messin dhe LeBron James, të cilët të dy kishin qenë gjithashtu në qendër të vëmendjes këtë vit.
Duhet të theksohet se viti 2023 shënoi vitin e parë të Lionel Messit si kampion bote dhe ai gjithashtu bëri një lëvizje befasuese te Inter Miami nga PSG.
Për më tepër, LeBron James pati një vit historik, duke kaluar Kareem Abdul-Jabbar dhe duke u bërë koshashënuesi më i mirë në historinë e NBA në muajin shkurt./Telegrafi/
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...